21వ శతాబ్దానికి ఆధునిక భగవద్గీత .. BHAGAVTH GEETHA FOR YOUTH . ఓం శ్రీ మాత్రే నమః....కృష్ణం వందే జగ్గురుమ్. మానవుని విజయం అతని ఆలోచన విధానం పై ఆధారపడి ఉంటుంది. మన ఆలోచనలే మన జీవిత సాఫల్యాన్ని నిర్ణయిస్తాయి. ఆలాంటి ఆలోచనలు ఎలా ఉండాలి అనే దానిని ఈరోజు శ్లోకం వివరిస్తుంది. దీనిని అర్థం చేసుకొని మన జీవితానికి అన్వైద్దాం 2 11 అశో చ్యానన్వశోచస్త్వం...ప్రజ్ఞావాదాంచ భాషసే....గతాసూనగతా సూసంచ. నానుశోచంతి పండితా. ఓ అర్జునా! శోకింపదగని వారి కొరకై నీవు శోకించుచున్నావు. పైగా పండితుని(జ్ఞాని) వలె మాట్లాడుతున్నావు. పండితులైన వారు ప్రాణములు పోయిన వారిని గూర్చి గాని, ప్రాణములు పోని వారి గురించి గానీ శోకింపరు. వాఖ్యానము మానవులు కొన్ని సందర్భాలలో తనకు సంబంధం లేని విషయాలలో, తనకు అవసరము లేని విషయాలలో... జ్ఞాని లాగా వితండవాదం చేస్తుంటారు . గడిచిపోయిన విషయాలను లేదా జరగబోయే విషయాలను అతిగా ఆలోచించి అనవసరమైన సంక్లిష్ట స్థితిలోకి వెళుతుంటారు.. ఈ సృష్టిలో కొందరికి వారి వారి కర్మ ఫలానుసారం ఫలితాలు వస్తూ ఉంటాయి... వాటిని మనం మార్చలేము ..వారు ఎందుకు భూమిపై వచ్చారు ఎందుకు వెళ్తున్నారు మనం నిర్ణయించలేము.. మనకు మన స్వధర్మం మాత్రమే నిర్వహించే హక్కు ఉంది.. ఇతరుల గురించి ఆలోచించి మన విలువైన సమయాన్ని వృధా చేసుకోకూడదు..మనం గతంలో కాకుండా... భవిష్యత్తులో కాకుండా.... వర్తమానంలో (ఈ క్షణంలో) జీవించాలి ...వర్తమానమే భవిష్యత్తును సృష్టిస్తుంది... అనవసర విషయాలు ఆలోచిస్తూ చేతిలో ఉన్న వర్తమానాన్ని వృధా చేస్తే భవిష్యత్తు శూన్యం అవుతుంది...