21వ శతాబ్దానికి ఆధునిక భగవద్గీత .. BHAGAVTH GEETHA FOR YOUTH నిష్కామ కర్మ యొక్క ఆవశ్యకత అమృత పుత్రులారా. భగవద్గీత భగవానునిచే మానవుడు ఎలా జీవించవలెనో తెలిపే ఒక మానువల్ లేదా గైడ్ లాంటిది. మనిషి తన జీవన కాలంలో చేయవలసిన పనులు, సాధించవలసిన లక్ష్యాలు ఈ గ్రంథం వివరిస్తుంది. అంతిమ లక్ష్యమైన మోక్ష ప్రాప్తి లేదా ఆత్మసాక్షాత్కారం లేదా నిత్యానంద స్థితిని పొందడానికి భగవద్గీత కర్మ, భక్తి, జ్ఞాన మార్గాలను సూచిస్తుంది. మానవులు వారి వారి స్థాయిని బట్టి ఈ మూడు మార్గాలలో ఏదైనా ఒక మార్గం ద్వారా గాని మూడింటి ద్వారా గాని నిత్యానందంగా జీవిస్తూ తమ జీవన లక్ష్యాలను చేరుకోవచ్చు.. మనము నిత్యము అనుసరించే మన కర్తవ్యాలను ఎలా నిర్వహించాలో ఈ శ్లోకం వివరిస్తుంది. మనము చేసే పని (కర్మ) ఎలా ఉండాలి... ఎలా చేస్తే అత్యుత్తమ ఫలితాలను ఇస్తుంది ఈ శ్లోకం చాలా చక్కగా వివరిస్తుంది. ద సీక్రెట్ ఆఫ్ వర్క్ ...THE SECRET OF WORK ....అన్నది ఈ శ్లోకం చెబుతుంది.. దీనిలోని నిగూడ అర్ధాన్ని గ్రహించి కర్మ ఫలాలు అంటకుండా.. కర్మను జీవన ముక్తికి మార్గంగా అనుసరిద్దాం. 2..47...కర్మణ్యే వాదికారస్తే.....మా ఫలేషుకదాచన.......మాకర్మ ఫలహే తుర్భూ.....మాతే సంగోస్త్య కర్మణీ .....కర్తవ్య కర్మమునాచరించుట యందే నీకు అధికారము కలదు... ఎన్నటికీ ని దాని ఫలముల యందు లేదు. కర్మ ఫలములకు నీవు హేతువు కారాదు. కర్మలను మానుటయందు నీవు ఆసక్తుడవు కావలదు. అనగా ఫలాపేక్ష రహితుడవై కర్తవ్య బుద్ధితో కర్మలను ఆచరించుము. వ్యాఖ్యానం........... యువ మిత్రులారా... ఈ శ్లోకం ముఖ్యంగా నిస్కామ కర్మ యొక్క ఆవశ్యకతను వివరిస్తుంది.. ఒక పనిని ఎలా చేయాలి అనే విషయంలో ఈ శ్లోకం దిక్సూచి లాగా వ్యవహరిస్తుంది.. మానవుడు తన యొక్క కర్తవ్యాలను తప్పనిసరిగా నిర్వర్తించవలెను. ఆలాంటి కర్తవ్య కర్మలు చేయుటకు మనకు అధికారం ఉంది కానీ ఫలితము పై అధికారం లేదు అని శాస్త్రాలు తెలుపు తున్నాయి..దీనిలో ఒక నిఘుడ అర్థం ఉంది. ఫలితం పై దృష్టి ఉంచి పనిచేసినప్పుడు ఆ ఫలితం ఎక్కువ లేదా తక్కువ వచ్చిందనే భావన మన యొక్క మానసిక మట్టంపై ప్రభావితం చూపుతుంది. దానివలన మనం చేసే పనుల యందు ఆసక్తి లేదా అనాసత్తి ఏర్పడే అవకాశం ఉంది .అందువలన మనము చేయవలసిన పనిని ప్రతిపలాపేక్ష లేకుండా కర్తవ్య భావన తో చేయవలెను ..కానీ ఫలితం ఆశించి చేయకూడదు..పనియొక్క ప్రతిఫలం చాలా విషయాలపై ఆధారపడి ఉంటుంది..అది మనయొక్క పోటీదారులు పై ,వివిధ సామాజిక ,రాజకీయ,ఆర్థిక పరిస్థితులపై ఆధారపడి ఉంటుంది..